Една од најважните задачи на секој објект е да спречи продор на вода од атмосферски врнежи и подземни води, но во праксата многу често објектите не го задоволуваат овој услов. Нашето долгогодишното искуство во оваа проблематика укажува дека многу ретко причината за протекувањето произлегува од староста на објектот, туку по правило се работи за грешки при изградбата, физички оштетувања од најразлични причини или несоодветно одржување на зградата.

Без разлика дали се работи за мали врнежи или статични подземни води, или пак за екстрамни услови и обемни протечни подземни води, обвивката на објетот не смее да пропушти ниту најмала количина вода во внатрешноста. Во спротивно, покрај главоболките кои протекувањата ги создаваат, серизно се загрозува стабилноста и трајноста на зградата, но и здравјето на корисниците.

Протекувањата од овој вид најчесто прават големи материјални штети, но понекогаш се појавуваат како повремени нелогични мали протекувања кои предизвикуваат мувла, влага и нарушена естетика. И во двата случаи најважна е да се детектира причината и точното место на протекување, пред да се превземаат било какви градежни зафати, со што ќе се избегнат скапи и беспотребни зафати кои најверојатно нема да го решат проблемот. Водата многу ретко протекува по најкраткиот пат до внатрешноста, па така спротивно на сите логични размислувања, водата во објектот се појавува на едно место, а продира низ обвивката на сосема неочекувани места и далични точки од местото каде ќе се појави.

Со помош на најсовремна софистицирана опрема, термални камери, длабински влагомери, ендоскопски камери и даталогери, можеме брзо и лесно да го детектираме проблемот и местото на протекување, без никакви деструктивни зафати.