Една од најважните задачи, за да се постигне висока енергетска ефикасност во зградите, е соодветно да се запечати обвивката. Нивото на запечатеност се изразува преку ƞ50 (ни педесет). Во зависност од намената на зградата и нивото на енергетска ефикасност, оваа вредност треба да биде помеѓу 0 и 4 ч-1 (измени за 1 час). Оваа вреност се користи како влезен податок за пресметка на вентилација, греење и ладење на зградите, така што неговата вистинска вредност треба да се провери на самото место. Овој метод всушност го мери ƞ50, а тоа ја претставува количината на истечен воздух од објектот при разлика на притисок од 50 Pa, при затворени прозорци и врати.

Ова е постапка со која се лоцираат сите места и области низ кои продира воздухот кога се затворени вратите и прозорците. Лошо затнатите згради придонесуваат за непотребно трошење на енергија, непријатен провев, продор на загаден воздух, миризби, инвазиии од инсекти и штетници, па во некои случаи и за појава на мувла и влага. Лошата затнатост дури и помеѓу спратовите или помеѓу различни делови од зградата ги предизвикува истите проблеми, особено кај висококатниците и објектите со голем волумен. Сепак и премногу запечатените објекти, исто така предизвикуваат сериозни проблеми, особено за здравјето на луѓето и животните. Затоа, оваа постапка мора да се препушти на експертите.